Computer Ke Undeletable Files Ko Delete Kaise Kare (item not found)

Kya aap computer istemal karte hai, aagar aap laptop ya computer use karte hai to ye post sirf aapke liye hai. Friends aajke is post me main aap logo ke sath share karunga ki computer ke Undeletable files ko delete kaise kare yani ki aagar aapke computer par koi file delete nahi ho raha hai aur delete karne par "item not found" and "could not find this item" a raha hai to aap is post ko follow karke us type ke file, folder ko delete kar sakoge. PC par virus ke karan yafir system ke miss use karne se desktop ya kisi bhi drive and folder ke under kuch files folder aisa ban jata hai jisko aap chahakar bhi delete nahi kar pate. Aagar aapke sath bhi kuch aisa huya hai yafir aapke pc par koi aisa file hai jo delete nahi ho raha hai to aap is post ko follow karke us file ko asani se delete kar sakte ho. Is kam ke liye aaj ham two method use karenge ek software use karke aur dusre CMD use karke. to chaliye dekhte kaise karte hai.

Read: Computer Par Kisibhi Software Ko Uninstall Kaise Kare

Computer Ke Undelete Files Ko Delete Kaise Kare ?

Aagar ekdom new user hai aapko yebhi nahi pata computer par file delete kaise karte hai to aap jis file ko delete karna chahate hai usko selete kare uske bad aapne Keyboard ke "Delete" button ko press kare. Yafir aap jis file ko delete karna chahate hai usko select kare uske bad mouse ke right click kare uske bad niche se Delete par click kare file delete ho jayega. aabhi sawal hai aagar is traha aapke file, folder delete na ho to aap kya kare uske liye aap niche ki step follow kare.

Method 1. Software Use Karke One Click Par Delete Kaise Kare

Step 1. Pahle aap "Unlocker" software ko download kare, bahuti chota software hai download karke just install kare.

Step 2. Aabhi aap us file ya folder par jakar aapne Mouse ke Right click kare jo aapke computer se delete nahi ho raha hai, uske bad "Ibit Unlocker" par click kare.

Step 3. Aabhi aapke samne ek box open hoga aap usme se "Unlock & Delete" option par click kare uske bad ek popup box ayega aap usme click kare aapke file delete ho jayega.

Method 2. CMD Use Karke Kaise Delete Kare ?

Dosto aagar upar ke software use karke aapke Undeletable files ya folder delete nahi hota hai to koi bat nahi aap CMD ko use karke bina kisi software ke bhi kisi bhi Undeletable file ko delete kar sakoge, to dosto chaliye dekhte hai cmd ko use karke kaise delete kare.

Step 1. Pahle aap Windows+R press kare uske bad RUN par type kare "CMD" uske bad enter kare.

Step 2. Aabhi aap ek kam kare jis file ko delete karna chahate ho uske upar mouse ke right click kare uske bad "Properties" par click kare uske bad File Location ko copy kare.

Step 3. Aab aap CMD par type kare " cd /d C:\Users\HELP\Desktop " isme se C:\Users\HELP\Desktop isko aap hatakar upar jo Location main aapko copy karne ko bola tha aap usko idhar dale, uske bad Enter kare, niche screenshot dekhiye.

Step 4. Upar jo type karne ke liye bolatha usko type karne ke bad enter kiya aabhi aap type kare "dir /x" uske bad enter press kare. Enter press karne ke bad aap dekhiye aapke cmd par bahut kuch show karega, aabhi aap apane file ko search kare jo file aap delete karna chahate ho usko jis naam se hai usi naam se aapko milega. niche screen shot dekhiye mujhe mera file mil gaya hai.

Step 5. Aagar aapko aapna file mil jata hai to aapko aabhi type karna hoga " rmdir /q /s WHATIS ~ 1" aap is command me se WHATIS~1 ko hatakar aapna file ke left side par jo nam hai usko dale. niche screenshot dekhiye.

Step 6. Upar command ko thik se type karne ke bad ENTER press kare uske bad aap check kare aapke jo file delete nahi ho raha tha wo delete ho gaya hai.

Note: Friends upar main 2 method de diya hai aap koibhi ek ko use kare, but CMD ka jo tips hai wo 1000% work karega but aagar aap new computer user ho to aapko samaj neme thoda problem hoga main kya bola jada dhyan se padhe aur apply kare aap jarur delete kar sakoge.

Friends main ummid karta hu ki aap is simple step ko follow karke bahuti asan tarike se aapne computer ke Undeletable file, folder ko delete kar sakoge, aagar koibhi problem face karte hai to niche comment kare. Post aagar helpful laga hai to post ko please share kare.